人在中環當然多人睇,人在油麻地,講乜?
其實好老實,在香港這個地方,有幾多人真係關心科學發展。一般人都有外國萬能論,香港講科學一定不及美國、英國。關心香港科學發展,不如關心下明日有甚麼中資銀行IPO好過啦。
如果用同一個mindset,其實都不需要理香港個股市,香港個股市比華爾街那一個,一樣無得比,不用理,Close file。
我們整體的mindset有個很很很錯的bug,叫做「underdog就唔理」*。可能因為香港做得太多「食盤菜第一」呀,「打太極第一」呀,做得太多一哥,自然不理第二、第三的,更何況第80的。
我們的社會沒有Diversity,搞金融就成個香港都等於中環、搞旅遊就成個香港都等於尖沙咀、山頂。不像澳門狂起酒店、賭場之餘,還保有葡國特式的大街小巷。
我們的領導人知不知道香港有個地方叫做油麻地,油麻地有間醫院有個小兒科,而這個小兒科論學術成就當然不及中大、港大樓下的瑪記、威記兒科,但在缺乏資源之下都可以成全球排名八十幾的研究部門?
當我們的家長在膜拜香港科學icon陳易希之時,家長有沒有教子女應以管軼的科學揭破謊言為榜樣?更遑論要家長教子女香港還有一些不知名,卻在每天努力的科學研究人員。就像香港一個叫做油麻地的地方,對比中環、尖沙咀和山頂,這個區一樣的面目模糊。

Quote of the day

銘記 continuous learning, make sure 你既求知慾比你既性慾/購物慾強!

* 可能我也有一個bug,叫做underdog先去理。