Werden wir Helden für einen Tag

Home | About | Archive

拒絕沉默

Posted on Jul 23, 2007 by Chung-hong Chan

douser4.png

原本我想話錄個Podcast來罵,最後都係作罷。因為無咁o既時間。
我連台名都改好,叫做「非法廣播的港獨電台」!就算我真係支持港獨,你咬我食咩?

以下係講稿:

當醫生都用R4,你叫我點支持醫管局加薪比你班醫生?呢個世界,邊個騎響邊個個頭上,果個人就係可剝削下面果班人,因為我地呢個社會,只有奴才同埋老闆o既關係,係無互相專重o既上司同下屬o既關係。係呢種咁o既關係底下,肥上瘦下可以講得上係必然,根本做老闆果班友都當佢班下屬係死o既,唔肥上瘦下有鬼!醫管局騎響班醫生頭上,可以將佢地七年資歷當成垃圾,無根據年資加薪進行剝削。但係你班醫生又講乜春o即?我有理由相信,醫生護士業界用R4比用正版o既人多!人地任天堂幫你班友寫左Mario成廿年啦大佬!你班醫生減左薪都有成幾皮野一個月呀!廿幾年o黎,你買左部遊戲機,你騎左響班遊戲生產商頭上面,你有權選擇唔去剝削班遊戲生產商。但係你班滿口仁義道德o既醫生,廿幾年來都無試過比一百幾十去支持下正版。果班遊戲生產商廿幾年o黎同你班契弟白做!你話人醫管局無理剝削左你七年,你剝削左班遊戲生產商廿九幾幾年呀大哥!你連一百幾十都慳,你怪唔得人地減你一萬幾千o既!我話比你聽!
人人話呢個世界唔公平!係!o岩!個世界係唔公平。但當你振振有詞話人地不公平對待你o既同時,你有無利用到呢個世界唔公平o既特點o黎去得益呢?

延伸閱讀:
漂流倉庫﹣R4,連醫生都選用
My Life as Open Source﹣夭壽的丟臉


Powered by Jekyll and profdr theme